12.09.2026, 19.00 Nautrānu kulturys centrys

Sastdiņ, 12. septembrī, Rēzeknis nūvoda Rogovkā jau pīktū reizi iz sasatikšonu aicynuos azartiskuo latgaliski rokstūšūs dzejnīku saceņseiba “Rogovkys dzejis voga”. Dzejis autoru uzastuošonu papyldynuos grupys “Kei rei” pyrmatskaņuojumi ar pārnejuo gods slama uzvarātuojis Valijis Platacis dzeju, kai i Kārļa Kazāka i grupys “Baritoni” uzastuošona.
__________
 Latgaliskais dzejis slams “Rogovkys dzejis voga” byus 12. septembrī 19 stuņdēs Nautrānu kulturys centrā Rēzeknis nūvoda Rogovkā. Ituo gods dzejis slamā pīsadaleis vysmoz ostoni latgaliski rokstūši autori, bet saceņseibu, kas byus treis kuortuos, uzvarātuoju nūsaceis žurejis i skateituoju bolsuojums.
 “Rogovkys dzejis vogys” vadeituošona – simboliska dzejis ražys vuokšona – itūgod izticāta pasuokumu vadeituojam i etnomuzikologam Ērikam Zepam. Eipaši “Rogovkys dzejis vogai” gataveiti pyrmatskaņuojumi niu jau ir stabila pasuokuma tradiceja, veicynojūt literarūs dorbu turpynuošonūs ari muzykā.
_____________
Latgaliskū dzejis slamu “Rogovkys dzejis voga” reikoj Rēzeknis nūvoda Nautrānu apvīneibys puorvaļde i Rēzeknis nūvoda Kulturys i turysma puorvaļde sadarbeibā ar latgalīšu kulturys kusteibu “Volūda”.

Nūtikšonu atbolsta Rēzeknis nūvoda pošavaļdeiba, latgalīšu kulturys ziņu portals lakuga.lv, Vaļsts kulturkapitala fonds.

Īīšona pasuokumā ir bezmoksys.